طعنــة الغـــدر

الموج في بحري طمــوحه السكينــه

والمـــد في شطــه يلخبــط كيانـــي..

والصخــر عاري يلـعب الموج بينه

مثل المسيــر لا العبت به الغواني

يا طعــنة الغدر الكريــه المهيـــنه

ياللي غرزت لي سيف بين المحاني..

أبكي، وتعــوي هالظلوع الرهيــنه

تطلب عدالــة، حلم مجنــي وجاني..!!

مــهو دمعــي!

يــا صــاحبي واللي خلق نعمة السمع

إنك هنا بين المعاليـــق ثابــت

ما جيتلك صدفة ولا جيتلي رمــع

وإن غبــت عني فرحتي معك غابــت...

غيري عبث فالحب بسياسة القمــع

لكــن لا ودت ولا يوم جابــــت!

إلا محبك من عشق يحسن الجمع..

ما شاب حبه لو قوى فيه شابــت

والدمــع هذا اللي تشـوفه مهــو دمع

اشعــلت عينــي لاجل اشوفك وذابــت

واللي نزل منها على خدي الشمــع

ارقد مدام الشــوق فالقلب نــابــت..